«bojxona qo‘mitasi» tegli maqolalar
Surxondaryoda yuk mashinasidagi supurgilar dastasi ichidan 612 kg “gashish” topildi — foto
“Ayritom” chegara bojxona postidagi yuk avtomobilida 2986 dona supurgi dastagi ichidan 612 kg “gashish” giyohvandlik vositasi topildi. Mashina O‘zbekistonga tranzit o‘tish uchun kirib kelgan. Giyohvandlik vositasining qora bozordagi narxi taxminan 16,5 mln dollarga baholanmoqda.
O‘zbekistonda chegaradan navbatsiz o‘tish uchun Fast Track joriy etiladi
O‘zbekistondagi chegara punktlaridan navbatsiz o‘tish uchun pulli Fast Track xizmati paydo bo‘ladi. Xizmat doirasida pasport va bojxona nazorati uchun alohida yo‘lak, VIP zal va boshqa sharoitlar yaratiladi. Uning narxi BHMning 15 foizini tashkil etadi. 1-maydan u 12 ta nazorat-o‘tkazish punktida paydo bo‘ladi.
O‘zbekistonda xalqaro kuryerlik jo‘natmalari uchun yig‘im joriy etilmoqda. U qaysi tovarlarga tatbiq etiladi?
Xalqaro kuryerlik jo‘natmalarining 1 kilosi uchun BHMning 2 foizi miqdorida bojxona yig‘imi joriy etiladi. U barcha xorijiy marketpleyslardan tovarlarni yetkazib berishda va jismoniy shaxslar o‘rtasida jo‘natmalarni yuborishda amal qiladi. Bojxona qo‘mitasi “Gazeta.uz"ga yangi tartib to‘g‘risida ma’lumot berdi.
O‘zbekistonda bir qator bojxona yig‘imlari stavkalari pasaytirildi. Kurerlik jo‘natmalari uchun yig‘im joriy etilmoqda
O‘zbekistonda ayrim bojxona yig‘imlari stavkalari JST talablariga muvofiqlashtirish doirasida pasaytirildi. Bojxona qo‘mitasining ma’lum qilishicha, yangi stavkalar tadbirkorlarga 700 mlrd so‘mni tejash imkonini beradi. Shu bilan birga, xalqaro kurerlik jo‘natmalari uchun yig‘im joriy etiladi.
“G‘ishtko‘prik” chegara bojxona posti 4 oyga yopiladi
Toshkent viloyatidagi “G‘ishtko‘prik” chegara bojxona posti 5-fevraldan boshlab vaqtincha yopiladi. 4 oy davomida postda qurilish va rekonstruksiya ishlarini yakunlash reja qilinmoqda. Fuqarolar va transport vositalarining harakati “Navoiy” postiga yo‘naltiriladi.
O‘zbekistonga yangi telefon olib kirishda bojxona deklaratsiyasini to‘ldirish shart
O‘zbekistonga yangi mobil qurilma olib kirishda endi bojxona deklaratsiyasini to‘ldirish kerak, aks holda qurilmani UzIMEI tizimida ro‘yxatdan o‘tkazishda boj to‘lashga to‘g‘ri keladi. Yangi talab 2024-yil boshidayoq joriy qilingandi. Bojxona organlari va UzIMEI oktabr oyida tizimli integratsiyani yakunladi.
O‘zbekistonga elektromobil va gibrid avtomobillar importi ilk bor benzinli mashinalardan o‘zib ketdi
O‘zbekistonda avtomobillar importi tarkibi o‘zgardi. Ilgari benzinli avtomobillar yetakchilik qilgan bo‘lsa, 2024-yilda birinchi marta elektromobil va gibrid avtomobillar importi hajmi ulardan oshib ketdi. Import qilingan elektromobillarning o‘rtacha narxi deyarli uch barobarga arzonlashdi.
Tamaki kontrabandasi: O‘zbekiston yashirin bozorni qisqartirish uchun qanday choralar ko‘rmoqda?
420 mlrd so‘m hajmdagi tamaki mahsulotlarining yashirin aylanmasi muammosi asosan uning O‘zbekiston hududi orqali Qirg‘iziston va Tojikistonga tranziti bilan bog‘liq, dedi Bojxona qo‘mitasi raisi birinchi o‘rinbosari Otabek Ibragimov. U importni “oqartirish” uchun nimalar qilinganini aytdi.
Surxondaryoda 750 ming quti kontrabanda sigaret yo‘q qilindi (foto)
Termizda Bojxona qo‘mitasi tomonidan kontrabanda sigaretlarining rekord partiyasi — 10,2 mlrd so‘mlik salkam 750 ming quti yo‘q qilindi. Foto.
Qoraqalpog‘istonda musiqa kolonkasiga yashirilgan 18 kg giyohvand modda musodara qilindi
Qoraqalpog‘istonda bojxonachilar musiqa kolonkalari orqali olib o‘tilmoqchi bo‘lingan 18 kilogrammdan ortiq mefedronni aniqladi.
O‘zbekiston mazut importini 2 baravar, iyun-iyulda esa 20−22 baravar oshirdi
Yil boshidan buyon O‘zbekiston 843,6 ming tonna mazut import qildi, bu o‘tgan yilning yanvar-iyul oylaridagi hajmdan ikki baravar ko‘p. Iyunda import 22 baravar (2023-yil iyuniga nisbatan), iyulda esa 19,6 baravar oshdi.
Shohimardondagi “Oq-qiya” bojxona punkti endi 24 soat ishlaydi
Farg‘ona viloyati bojxona boshqarmasining “Farg‘ona” chegara bojxona posti hamda Shohimardonga kirishdagi “Oq-qiya” bojxona punkti 24 soat ish rejimiga o‘tkazildi.
Navoiyda 1,2 mlrd so‘mlik soxta pullar yoqib yuborildi
Navoiy viloyatida bojxona xizmati xodimlari 1,2 mlrd so‘mlik soxta pullarni yoqib yubordi. Shuningdek, noqonuniy faoliyatdan olib qo‘yilgan 13,6 ming quti tamaki mahsulotlari, 30 ta elektron sigaret va tibbiy vositalar ham yoqib yuborildi. Foto.
Toshkent viloyatida mamlakatga to‘pponcha va harbiy anjomlar olib kirishga uringan shaxs to‘xtatildi
Bojxonachilar Toshkent viloyatidagi chegara bojxona postida transport vositasi yukxonasidan 1 dona Makarov pistoleti, harbiy anjomlar va tig‘li sovuq qurollar topdi.
Toshkent viloyatida qalbaki kosmetika mahsulotlari ishlab chiqaradigan sex aniqlandi
Bo‘ka tumanida mashhur brendlar nomi ostida qalbaki kosmetika mahsulotlari ishlab chiqaradigan sex aniqlandi. Qiymati 10 mlrd so‘mlik 280 ming donadan ortiq sifatsiz mahsulot vaqtincha saqlovga olindi.
Toshkentda 110 ming quti tamaki yoqib yuborildi
Yangihayot tumanidagi sanoat zonasida noqonuniy muomaladan olib qo‘yilgan 110 ming quti tamaki mahsuloti yoqib yuborish yo‘li bilan yo‘q qilindi. Ma’lum qilinishicha, 2023-yilda ushlab qolingan noqonuniy tamakilar miqdori 2022-yilga nisbatan 3,5 barobarga oshgan.
Chegaradagi barcha nazorat funksiyalari Bojxona qo‘mitasiga o‘tkaziladi
O‘zbekistonda chegaradagi barcha nazorat funksiyalari Bojxona qo‘mitasiga o‘tkazilmoqda. Hozirda meva-sabzavot va oziq-ovqat eksporti chegarada 4 ta idora — bojxona, karantin, SES va veterinariya organlari tomonidan nazorat qilinadi.
Bojxona qo‘mitasi imtiyoz bilan import qilingan tovarlarni korxonabay o‘rganadi
Prezident Bojxona qo‘mitasiga imtiyoz bilan import qilingan tovarlarni korxonabay o‘rganib chiqish topshirig‘ini berdi. 2023-yilda import qilingan 20 mlrd dollarlik tovarlarga salkam 60 trln so‘mlik imtiyoz berilib, ularning 3,2 trln so‘mi o‘rganilganda 13 foizi maqsadsiz qo‘llangani aniqlandi.
Senator bayram kunlarida pirotexnika vositalaridan keng foydalanilgani yuzasidan Bojxona qo‘mitasiga so‘rov yubordi
Senator Bojxona qo‘mitasi kontrabandani aniqlash bo‘yicha ko‘plab tadbirlar o‘tkazilgani haqida xabar bergan bo‘lishiga qaramay, bayram kunlari aholi tomonidan pirotexnika vositalarining keng qo‘llangani yuzasidan qo‘mitaga so‘rov yubordi.
Samarqandda 117 ming qutidan ziyod tamaki mahsulotlari yo‘q qilindi
Samarqandda noqonuniy muomaladan olib qo‘yilgan 1 mlrd 668 mln so‘mlik 117 ming qutidan ziyod sigaret va chilim uchun tamaki mahsulotlari yo‘q qilindi. Ular maxsus texnikalarda yanchilib, suvga bo‘ktirildi va yaroqsiz holga kelgach, ko‘mib yuborildi.
Eng ko‘p o‘qilgan xabarlar | So‘nggi yangiliklar
- O‘zbekistonda metan zapravkalarga gaz yetkazib berish vaqtincha cheklandi
- Xonanda Shirin Abdullayeva 19 yoshida vafot etdi (1)
- O‘zbekistonning har bir tuman va shahrida kamida bittadan inklyuziv maktab tashkil etiladi
- Toshkentda voyaga yetmagan qizni mehmonxonaga olib borib, unga shilqimlik qilgan va jarohat yetkazgan erkak qamaldi
- Video: Buxorodagi xonadonda gaz portladi
Qo‘shimcha imkoniyatlardan foydalanish uchun saytda ro‘yxatdan o‘ting